အခန်း (၅)
ဣတ္ထိ ကဏ္ဍ
၈၂။ ဥဩငှက်တို့၏ အလှကား အသံ၊
မိန်းမတို့၏ အလှကား လင်ယောက်ျားကို မြတ်နိုးခြင်း၊
အရုပ်ဆိုးသူတို့၏ အလှကား အတတ်ပညာ၊
ရသေ့၊ ရဟန်းတို့၏ အလှကား သည်းခံခြင်း ပေတည်း။
၈၃။ မိန်းမတို့၏ ဥစ္စာကား အဆင်းတည်း၊
ယောက်ျားတို့၏ ဥစ္စာကား အတတ်ပညာတည်း၊
ရဟန်းတို့၏ ဥစ္စာကား သီလတည်း၊
မင်းတို့၏ ဥစ္စာကား ရဲမက်ဗိုလ်ပါတည်း။
၈၄။ ရသေ့၊ ရဟန်းတို့သည် ကြုံလှီမှသာ တင့်တယ်၏။
ခြေလေးချောင်းရှိသော သတ္တဝါတို့သည် ဆူဖြိုးမှသာ တင့်တယ်၏။
ယောက်ျားတို့သည် အတတ်ပညာရှိမှသာ တင့်တယ်၏။
မိန်းမတို့သည် လင်ယောက်ျားရှိမှသာ တင့်တယ်၏။
၈၅။ တတ်လှစွာသော စောင်းသမားသည် စောင်းနှင့် ငါးရက် ကင်းကွာမူ စောင်းတီးကွက် ပျက်တတ်၏။
တတ်လှစွာသော လေးသမားသည် လေးနှင့် ခုနစ်ရက် ကင်းကွာမူ လေးမြားချိန်သား ပျက်တတ်၏။
အိမ်သူမယားကောင်းသည် လင်နှင့် တစ်လကင်းကွာမူ အမူအကျင့် ဖောက်ပြားတတ်၏။
တပည့်တို့သည်ကား ဆရာနှင့် လခွဲမျှကင်းကွာမူ ပညာရည် ပျက်တတ်၏။
၈၆။ ကျွဲသည် ညွန်၌သာ မွေ့လျော်၏။
ဟင်္သာသည် ရေကန်၌သာ မွေ့လျော်၏။
မိန်းမသည် ယောက်ျား၌သာ မွေ့လျော်၏။
ရဟန်းသည် တရား၌သာ မွေ့လျော်၏။
၈၇။ ထမင်းကို အစာကြေမှ ချီးမွမ်းရာ၏။
မယားကို အရွယ်လွန်မှ ချီးမွမ်းရာ၏။
စစ်သည်ရဲမက်ကို စစ်အောင်ပြီးမှသာ ချီးမွမ်းရာ၏။
ကောက်နှံစပါးကို ကျီသို့ ရောက်မှ ချီးမွမ်းရာ၏။
၈၈။ နှစ်လင်သုံးလင်ပြောင်းသော မိန်းမ၊
နှစ်ကျောင်း - သုံးကျောင်းပြောင်းသော ရဟန်း၊
နှစ်ကြိမ် - သုံးကြိမ် ကျော့ကွင်းမှ လွတ်ဖူးသော ငှက်၊
ဤသူတို့ကား မာယာများတတ်၏။
၈၉။ ဆိုးသွမ်းယုတ်မာသူကို ရိုက်ပုတ် ဒဏ်ခတ်ခြင်းဖြင့် ယဉ်ပါးစေနိုင်၏။
မကောင်းသော အဆွေခင်ပွန်းကို အဆက်အဆံ မပြုလုပ်ဘဲ နေခြင်းဖြင့် ယဉ်ပါးစေနိုင်၏။
မကောင်းသော မယားကို ငွေကြေးဥစ္စာ မအပ်နှင်းခြင်းဖြင့် ယဉ်ပါးစေနိုင်၏။
အစားအစာ တပ်မက်လွန်ကျူးသူကို အစားလျှော့၍ ကျွေးခြင်းဖြင့် ယဉ်ပါးစေနိုင်၏။
၉၀။ လရောင်မှ ကင်းသော ညသည် မတင့်တယ်။
လှိုင်းတံပိုးမှ ကင်းသော သမုဒ္ဒရာသည် မတင့်တယ်။
ဟင်္သာမှ ကင်းသော ရေကန်သည် မတင့်တယ်။
လင်မှ ကင်းသော သတို့သမီးသည် မတင့်တယ်။
၉၁။ လင်ယောက်ျားသည် စည်းစိမ်ဥစ္စာကို ရှာဖွေ တိုးပွားစေရာ၏။
မယားမူကား ရှာဖွေရရှိပြီးသော စည်းစိမ်ဥစ္စကို ကောင်းစွာစုဆောင်းသိုမှီး သုံးစွဲရာ၏။
အပ်သွားရာ အပ်ချည်ပါရသကဲ့သို့ တည်း။
၉၂။ ခပ်သိမ်းသော မြစ်တို့သည် ကောက်ကွေ့မြဲ ဖြစ်၏။
ခပ်သိမ်းသော တောတို့သည် သစ်ချည်းသာ ဖြစ်ကုန်၏။
မိန်းမတို့သည်လည်း ဆိတ်ကွယ်ရာအရပ်၌ မကောင်းမှုကု ပြုမြဲတည်း။
၉၃။ ငြင်းခုံတတ်သည့် အလေ့ရှိသော၊
ငြူစူစောင်းမြောင်း ပြောဆိုလေ့ရှိသော၊
မြင်မြင်သမျှကို လိုချင်တတ်မက်လေ့ရှိသော၊
များစွာချက်ပြုတ်၍ စားတတ်သော၊
လင်ယောက်ျားမစားမီ အဦးအဖျားစားတတ်သော၊
သူတစ်ပါး၏ အိမ်တှို သွားတတ်နေတတ်သည့် အလေ့ရှိသော မိန်းမမျိုးကို သားတစ်ရာပင်
ရငြားသော်လည်း လင်ယောက်ျားသည် စွန့်ပစ်ရာ၏။
၉၄။ အကြင်မိန်းမသည်
စားမှုဝတ်မှု တို့၌ မိခင်ကဲ့သို့ နှစ်သက်ဖွယ် ပြုတတ်လျှင်၊
မမြင်အပ်ရာ၊ ရှက်ဖွယ်ရာ အမှု ကိစ္စတို့၌ နှမကဲ့သို့ လွန်စွာ ရှက်တတ်လျှင်၊
လင်ကို လုပ်ကျွေးပြုစုရာ၌ ကျွန်မကဲ့သို့ ရိုသေစွာပြုတတ်လျှင်၊
ဘေးရောက်သောအခါ တိုင်ပင်ဖော် တိုင်ပင်ဖက်ရလျှင်၊
အိပ်သောအခါ၌ မွေ့လျော်စေတတ်လျှင်၊
ရုပ်ဆင်းအင်္ဂါ တင့်တယ်စွာ ပြုပြင်တတ်လျှင်၊
အမျက်ထွကသောအခါ၌ သည်းခံတတ်လျှင်၊
မိန်းမမြတ်ဟု ဆိုအပ်၏။
၉၅။ ယောက်ျားဘဝကို ရလိုသောမိန်းမသည် မိမိ၏ လင်ယောက်ျားကို ကောင်းမွန်ရိုသေစွာ လုပ်ကျွေးပြုစုရာ၏။
၉၆။ ယောက်ျားအဖြစ်ကို ဘဝတိုင်းဘဝတိုင်းရလိုသော အမျိုးကောင်းသားသည် ဆေးပြီးသော ခြေကို ရွှံ့ညွှန်မှ ရှောင်ကြဉ်သကဲ့သို့ သူတစ်ပါး သားမယားအပေါ် ပြစ်မှားလွန်ကျူးခြင်းမှ ရှောင်ကြဉ်ရာ၏။
၉၇။ အရွယ်လွန် အိုမင်းမည် ဖြစ်သော ယောက်ျားသည် မိမိထက်အရွယ် ငယ်လွန်းသော မိန်းမကို မယားအဖြစ် ဆောင်ယူခြင်းမပြုအပ်။
မိမိအပေါ် အလိုမပြည့်သည်၏ အဖြစ်ကြောင့် တစ်ပါးသော ယောက်ျားနှင့် လွန်ကျူးပျော်မွေ့မည်ကို အစဉ်အမြဲ စိုးရိမ်ကြောင့်ကြ ဝန်တို နေရတတ်၏။
ထို့ကြောင့် အရွယ်ငယ်သော မိန်းမငယ်ကို ပေါင်းသင်းခြင်းသည် အရွယ်လွန်ကဲ သက်ကျားအိုအဖို့ ပျက်စီးခြင်း၏ အကြောင်းတည်း။
အခန်း (၄)
မိတ္တ ကဏ္ဍ
၆၈။ အနာသည် မိမိကိုယ်၌ ဖြစ်လျက် မိမိအကျိုးကို မရွက်ဆောင်။
ဆေးပင် ဆေးရွက်သည် တော၌ဖြစ်လျက် အကျိုးကို ဖြစ်စေနိုင်၏။
၆၉။ ကိုယ့်အကျိုးစီးပွားကို ရွက်ဆောင်မူ သူစိမ်းပင် ဖြစ်လင့်ကစား အဆွေအမျိုးဟု မှတ်ယူရာ၏။
ကိုယ့်အကျိုးစီးပွားကို မရွက်ဆောင်လျှင် မိတ်ဆွေ ရင်းချာပင် ဖြစ်လင့်ကစား သူစိမ်းဟု မှတ်ယူရာ၏။
၇၀။ မျက်ကွယ်၌ သူ့ကျေးဇူးကို ချေဖျက်တတ်ပြီး ရှေ့တွင်မူ ချိုချိုသာသာ စကားဆိုတတ်သူကို အဆိပ်အိုးမှ ပျားရည်ကို ရှောင်ကြဉ် သကဲ့သို့ ရှောင်ကြဉ်ရာ၏။
၇၁။ ဥစ္စာစီးပွား ပျက်လျှင် မိတ်ဆွေ၊ သားမယား၊ ညီအစ်ကို မောင်နှမ များသည်ပင် စွန့်ခွာတတ်၏။
ဥစ္စာရှိသူကိုသာ မှီခို ပေါင်းသင်း လိုကြ၏။
လောက၌ စီးပွားဥစ္စာသည် ခင်ပွန်းကြီး ဖြစ်၏။
၇၂။ အခိုင်းအစေ ကောင်း မကောင်းကို စေခိုင်းကြည့်ခါမှ သိနိုင်၏။
ဆွေမျိုး ကောင်းမကောင်းကို ဘေးဒုက္ခကျရောက်ခါမှ သိနိုင်၏။
မိတ်ဆွေကောင်းမကောင်းကို ပစ္စည်း ဥစ္စာနည်းပါးဆုတ်ယုတ်ခါမှ သိနိုင်၏။
မယားကောင်းမကောင်းကို စည်းစိမ်ကုန်ခါမှ သိနိုင်၏။
၇၃။ မိမိအကျိုးကို ရွက်ဆောင်သူသည် ဆွေမျိုးမည်၏။
မိမိအား ကျွေးမွေး စောင့်ရှောက်သူသည် အမိအဖမည်၏။
မိမိနှင့် ချစ်ကျွမ်းဝင် သူသည် အဆွေခင်ပွန်း မည်၏။
လင်ယောက်ျား၏ စိတ်နှလုံးကို ငြိမ်းအေးစေသူသည် မယားမည်၏။
၇၄။ ရန်သူကို ဖြစ်စေ၊ မိတ်ဆွေကို ဖြစ်စေ အလွန်အမင်း အကျွမ်းမဝင်ရာ။
မိတ်ဆွေပင် ဖြစ်လင့်ကစား အမျက်ထွက်သည်ရှိသော် သင့် အပြစ်မှန်သမျှကို ထုတ်ဖော်ပြတတ်၏။
၇၅။ မီးကိုလည်း အကြွင်းမထားရာ၊
ကြွေးမြီကိုလည်း အကြွင်းမထားရာ၊
ရောဂါကိုလည်း အကြွင်းမထားရာ၊
ထိုသည်တို့ကားအဖန်တလဲလဲ တိုးပွားတတ်သည်ဖြစ်ရာ အကြွင်းမရှိအောင် ပြုရာ၏။
၇၆။ မျက်နှာမူကား ပဒုမ္မာကြာ၊
နှုတ်ထွက်စကားက စန္ဒကူးနံ့သာ၊
စိတ်နှလုံးသားကား အဆိပ်ပမာ၊
ထိုသို့သဘောရှိသူကို မပေါင်းအပ်ရာ။
၇၇။ ရက်စက်ကြမ်းကြုတ်သော၊
မနာလိုဝန်တိုသော၊
မချီးမြှောက်မထောက်ပံ့တတ်သော၊
ဖိနှိပ်ချုပ်ချယ်သော အရှင်သခင်မျိုးကို လုပ်ကျွေးမှီခိုခြင်း မပြုရာ။
၇၈။ ဦးချိုရှိသော သတ္တဝါကို အတောင် ငါးဆယ်အကွာအဝေးမှ ရှောင်ကွင်းရာ၏။
မြင်းကို အတောင်တစ်ရာ အကွာအဝေးမှ ရှောင်ကွင်းရာ၏။
အစွယ်ရှိသော ဆင်ကို အတောင်တစ်ထောင်အကွာအဝေးမှ ရှောင်ကွင်းရာ၏။
လူဆိုးလူမိုက်ကိုကား နေရာအရပ်ကို စွန့်ခွာလျက် ရှောင်ကြဉ်ရာ၏။
၇၉။ မကောင်းသောအရပ်၊
မကောင်းသော မိတ်ဆွေ၊
မကောင်းသော အမျိုးအနွယ်၊
မကောင်းသော ဆွေမျိုးခင်ပွန်း၊
မကောင်းသော မယား၊
မကောင်းသော ကျေးကျွန်၊
ဤသူတို့ကို ဝေးစွာစွန့်ပစ်ရာ၏။
၈၀။ အကြင်အပေါင်းအဖော်သည် -
ရောဂါဝေဒနာ ကျရောက်စွဲကပ်သော အခါ၌ လည်းကောင်း၊
ငတ်မွတ်ခေါင်းပါး ဘေးဒုက္ခရောက်သော အခါ၌ လည်းကောင်း၊
ဥစ္စာစည်းစိမ် ဆုံးရှုံး ပျက်စီးသော အခါ၌ လည်းကောင်း၊
ရန်သူဖမ်းဆီးခြင်းခံရသောအခါ၌ လည်းကောင်း၊
တရားရုံး၌ အမှုကို ရင်ဆိုင်ရသော အခါ၌လည်းကောင်း၊
နာရေးကိစ္စ ဈာပနနှင့် ကြုံရသော အခါ၌ လည်းကောင်း၊
မိမိနှင့်အတူ ရပ်တည်ပေ၏၊ ထိုသူသည် အဆွေခင်ပွန်းကောင်း မည်၏။
၈၁။ ချိုချိုသာသာ စကားဆိုတတ်သူသည် မိတ်ဆွေ ပေါများ၏။
ကြမ်းတမ်းရိုင်းပျစွာ စကားဆိုတတ်သူသည် မိတ်ဆွေ နည်းပါ၏။
အေးမြသော လမင်းသည် ကြယ်တာရာ အခြံအရံ များစွာရှိသော်လည်း ပူပြင်းသော နေမင်းသည် အခြံအ့ရံ မရှိသည်ကို ပမာပြုရာ၏။
အခန်း (၃)
ဗာလ ဒုဇ္ဇန ကဏ္ဍ
ဆရာက ရှုခင်းတစ်ခုပုံ ဆွဲဖို့ပြောတော့ ကျောင်းသားတွေ အားလုံးဆွဲကြပေမယ့် တစ်ယောက်က မဆွဲဘူး။ အဲဒီ ကျောင်းသားနား သွားပြီး
“မင်းကဘာလို့မဆွဲတာလဲ။”
“ဆွဲပြီးပြီဆရာ၊ နွားတစ်ကောင် မြက်စားနေတဲ့ပုံ”
“ဘယ်မှာလဲနွား။”
“ရေသောက်ဖို့ ထွက်သွားပြီဆရာ။”
“မြက်ကရော။”
“နွားစားလို့ ကုန်သွားပြီ။”
အခန်း (၂)
သုဇန ကဏ္ဍ
၃၃။ သူတော်ကောင်းတို့ကိုသာ ပေါင်းဖော်ရာ၏။
သူတော်ကောင်း တရားကို သိရ၍ မြင့်မြတ်၏။
၃၄။ သူယုတ်မာတို့နှင့် ပေါင်းဖက်ခြင်းကို စွန့်လွှတ်လော့၊
သူတော်ကောင်း ပေါင်းဖက်အပ်သူကိုသာ ဆည်းကပ်လော့၊
ကုသိုလ်ကောင်းမှုကို အစဉ်အမြဲပြုလော့၊
မမြဲသောအဖြစ် (သင်္ခါရတရား) ကို အစဉ်အမြဲအောက်မေ့ဆင်ခြင်လော့။
၃၅။ သူယုတ်မာတို့သည် ရေသဖန်းသီးမှည့်နှင့်တူ၏။ အပြင်ပန်းအားဖြင့် အဆင်းရှိသော်လည်း အတွင်း၌မူကား ပိုးလောက်များဖြင့်သာ ပြည့်ကုန်၏။
၃၆။ ပိန္နဲသီးမှည့်တို့သည် ပြင်ပ၌ ဆူးများရှိသော်လည်း အတွင်းအရသာမူကား ချိုမြိန်လှပေ၏။
သူတော်ကောင်းတို့၏ စိတ်နှလုံးသည်လည်း ထို့အတူပင် ဖြစ်၏။
၃၇။ စန္ဒကူးပင်သည် သွေ့ခြောက်သွားသည့်တိုင် မွှေးရနံ့ကို မစွန့်။
ဆင်ပြောင်သည် စစ်မြေပြင်သို့ ရောက်သော်လည်း ခံ့ထည်တင့်တယ်ခြင်းကို မစွန့်။
ကြံသည် ကြိတ်စက်သို့သို့ ရောက်သော်လည်း ချိုသော အရသာကို မစွန့်။
ပညာရှိ သူတော်ကောင်းသည် ဘေးဒုက္ခဆင်းရဲသို့ ကျရောက်ငြားသော်လည်း သူတော်ကောင်းတရားကို မစွန့်။
၃၈။ ခြင်္သေ့တို့ မည်သည် ငတ်မွတ်ဆာလောင်သော်လည်း မြက်သစ်ရွက်ကိုမူ မစား။
ပညာရှိ သူတော်ကောင်းတို့သည်လည်း ဆင်းရဲဒုက္ခကြုံရသော်လည်း မကောင်းမှုဒုစရိုက်ကို လက်မခံ အကျင့်သီလကို စောင့်ထိန်းကြကုန်၏။
၃၉။ မြင့်မြတ်သောမျိုးနွယ်ကို စောင့်သူသည် ဆင်းရဲခြင်းသို့ ရောက်သော်လည်း ယုတ်ညံ့သော အမှုကိုမပြု။
၄၀။ စန္ဒကူးနံ့သာသည် ချမ်းမြေ့၏။
ထို့ထက် လရောင်ကပို၍ ချမ်းမြေ့၏။
စန္ဒကူးနှင့် လရောင်တို့ချမ်းမြေ့သည်ထက် ကောင်းစွာဆိုအပ်သော သူတော်ကောင်းစကားက ပို၍ ချမ်းမြေ့၏။
၄၁။ အနောက်က နေထွက်ရာ၏။
မြင်းမိုရ်တောင် ယိုင်ညွတ်ရာ၏။
ငရဲမီးအေးရာ၏။
တောင်ထိပ်၌ ကြာပွင့်ရာ၏။
သူတော်ကောင်း စကားသည်ကား တစ်ရံတစ်ဆစ်မျှ မဖောက်ပြန်ရာ။
၄၂။ သစ်ပင်၏ အရိပ်သည် အေးချမ်း၏။
ထိုထက် ဆွေမျိုးမိဘအရိပ်က ပို၍အေးချမ်း။
ထိုထက် ဆရာသမားအရိပ်က ပို၍ အေးချမ်း၏။
ထိုထက် မြတ်စွာဘုရားအရိပ်က အဆများစွာသာလွန် အေးချမ်း၏။
၄၃။ ပျားပိတုန်းတို့သည် ပန်းကို အလိုရှိကုန်၏။
သူတော်ကောင်းတို့သည် ဂုဏ်ကျေးဇူးကို အလိုရှိကုန်၏။
ယင်ကောင်တို့သည် အပုပ်ကို အလိုရှိကုန်၏။
သူယုတ်တို့သည် အမျက်ဒေါသကို အလိုရှိကုန်၏။
၄၄။ အမိအဘတို့၏ အဆုံးအမကို မရမူ ကိုယ်နှုတ်အမူအရာ ကြမ်းတမ်း၏။
အမိအဘတို့၏ အဆုံးအမကို ကောင်းစွာရမူ ကိုယ်နှုတ် အမူအရာ လိမ္မာ ယဉ်ကျေး၏။
၄၅။ စစ်မြေပြင်အရပ်၌ ရဲရင့်သောသူကို အလိုရှိ၏။
လျှို့ဝှက်သောကိစ္စ၌ နှုတ်လုံသူကို အလိုရှိ၏။
စားကောင်းသောက်ဖွယ် စားသောက်ရချိန်၌ ချစ်ခင်သူကို အလိုရှိ၏။
ခက်ခဲနက်နဲသော အရေးကိစ္စကြုံတွေ့ရချိန်၌ ပညာရှိကို အလိုရှိ၏။
၄၆။ သူယုတ်မာသည် သူတော်ကောင်းကို တွေ့မြင်လျှင် ချုပ်ချယ် ညှဉ်းဆဲခြင်းကိုပြုလို၏။
၄၇။ အမှုကိစ္စဟူသမျှကို အလျင်စလို မပြုရာ၊ အလျင်စလိုပြုခဲ့သော် နောင်မှ ပူပန်ရတတ်၏။
၄၈။ အမျက်ဒေါသကို ဖြေဖျောက်နိုင်လျှင် စိုးရိမ်ခြင်း ကင်းရ၏။
သူ့ကျေးဇူးကို ဆိုတတ်လျှင် သူတော်ကောင်းတို့ ချီးမွမ်းကုန်၏။
ကြမ်းကြုတ်သော စကားကို သည်းခံခြင်းသည် မြတ်၏။
၄၉။ ကျဉ်းမြောင်း၍ မစင်အတိပြီးသောနေရာ၌ နေရခြင်းသည် ဆင်းရဲ၏။
ထိုထက် မချစ်မနှစ်သက်သောသူနှင့် အတူတကွ နေရခြင်းသည် ပို၍ ဆင်းရဲ၏။
ထိုထက် သူ့ကျေးဇူးကို မသိတတ်သူနှင့် နေရခြင်းက ပို၍ ဆင်းရဲ၏။
၅၀။ ဆုံးမသင့်သည်ကို အမြဲဆိုဆုံးမရာ၏။
ယုတ်မာသောအကျင့်ကိုလည်း တားမြစ်ရာ၏။
ထိုသို့ဆုံးမ တားမြစ်တတ်သူကို သူတော်ကောင်းတို့ နှစ်သက်လိုလားကြ၏။ သူယုတ်မာတို့ကား မနှစ်သက်ကြချေ။
၅၁။ မိမိထက် မြတ်သောသူကို မိမိကိုယ်ကို နှိမ့်ချခြင်းဖြင့် လည်းကောင်း၊
ရဲရင့်သောသူကို သင်းကွဲခြင်းဖြင့်လည်းကောင်း၊
မိမိအောက်နိမ့်သောသူကို ပေးကမ်းခြင်းဖြင့်လည်းကောင်း၊
မိမိနှင့်တန်းတူသူကို မိမိက လုံ့လပြုအားထုတ်ခြင်းဖြင့်လည်းကောင်း အောင်မြင်ရာ၏။
၅၂။ သံဃာပိုင် (သံဃိက) ပစ္စည်းကို အလွဲသုံးစားပြုခြင်းသည် အဆိပ်ကိုသောက်သုံးခြင်းထက် ဆိုး၏။
အဆိပ်သည် တစ်ကြိမ်တစ်သက်ကိုသာ သတ်သော်လည်း သံဃာ့ပစ္စည်းကို အလွဲသုံးစားပြုမှားမူ ဘဝ အဆက်ဆက် ပျက်စီးရချေ၏။
၅၃။ လျင်မြန်ခြင်းဖြင့် မြင်း၏ ကျေးဇူးကို သိရာ၏။
ဝန်ကို ဆောင်ရွက်ခြင်းဖြင့် နွား၏ ကျေးဇူးကို သိရာ၏။
နို့ရည်ရသဖြင့် နွားမ၏ ကျေးဇူးကိုသိရာ၏။
ကြံစည်လျှို့ဝှက်ရာအမှုကိစ္စ တို့၌ ဖြေကြားပြောဆိုနိုင်ခြင်းဖြင့် ပညာရှိ၏ ကျေးဇူးကိုသိရာ၏။
၅၄။ သူတော်ကောင်းတို့၏ ဥစ္စာသည် နည်းပင်နည်းငြားသော်လည်း တွင်းမှထွက်သောရေချိုကဲ့သို့ သူတစ်ပါးတို့ သောက်သုံးမှီခိုရ၏။
မသူတော်တို့၏ ဥစ္စာသည် များပင်များငြားသော်လည်း သမုဒ္ဒရာရေကဲ့သို့ သောက်ချိုး မှီခိုရာမရနိုင်။
၅၅။ မြစ်တို့သည် ရေကို မသောက်ကုန်။
သစ်ပင်တို့သည် အသီးကို မစားကုန်။
သူတော်ကောင်းတို့၏ ဥစ္စာသည်လည်း သူတစ်ပါးတို့၏ အကျိုးအတွက်သာ ဖြစ်၏။
၅၆။ မတောင့်တအပ်သည်ကို မတောင့်တရာ။
မကြံစည်အပ်သည်ကို မကြံစည်ရာ။
တရားသဖြင့်သာလျှင် ကောင်းစွာကြံစည်ရာ၏။
အချိန်ကို အချည်းနှီး အလဟဿ မကုန်ဆုံးစေရာ။
၅၇။ မကြံစည်ဘဲလျက်လည်း ဖြစ်တတ်၏။
ကြံရွယ်ထားလျက်လည်း ပျက်တတ်၏။
ဥစ္စာစည်းစိမ်ဟူသည် ကြံစည်ကြိုးစားတိုင်း မရနိုင်။
၅၈။ သူယုတ်မာအား ချစ်ခြင်း၊
သူတော်ကောင်းအား မနှစ်သက်ခြင်း၊
သူယုတ်မာတို့၏ တရား၌ နှစ်လိုခြင်း၊
ဤသည်တို့ကား ပျက်စီးမည့် အကြောင်းတည်း။
=========== သုဇနကဏ္ဍပြီး၏။ ===========
မင်းလူ
ကြေးမုံ.....ခင်ဗျားဟာ ပြုံးစစနဲ့
ခင်ဗျားဟာ ညှို့နိုင်တဲ့မျက်လုံးအစုံလဲ ရှိတယ်။
နို့ပြီး ဘယ်သူကပဲ ရည်းစားစကားပြောပြော
ခင်ဗျားဟာ လက်ခံတယ်။
အရုပ်ဆိုးလှသူလူ ဖြစ်ဖြစ်
ရုပ်လှတဲ့သူ ဖြစ်ဖြစ်
ခင်ဗျားက လက်သင့်ခံတယ်။
သူတို့ကို ဖျော်ဖြေတယ်။
ဒါပေမယ့် ခဏပဲ။
သူတို့ပြန်သွားတာနဲ့
ခင်ဗျားရဲ့ အသည်းနှလုံးထဲက
ထုတ်ပစ်လိုက်တယ်။
ခင်ဗျားမှာ အသည်းနှလုံးမရှိသလိုဘဲ။
အင်း...ဘဝကို ဒီလိုနဲ့ပဲ
ကုန်ဆုံးစေတော့မှာလား။ ။
(မောင်ဒီ)
ခင်ဗျားကို ကြည့်လိုက်ရင်
အမြဲကြည်လင်နေတယ်၊
ခင်ဗျာမျက်နှာဟာ သောကမရှိတဲ့ လူတစ်ယောက်လိုပဲ။
ခင်ဗျားက အေးချမ်းတဲ့ ဂုဏ်ကြီးရှင်တွေရဲ့
ရပ်ကွက်မှာသာ နေဖူးတဲ့ လူဆိုတော့
သောကဆိုတဲ့ စကားတွေကို ဘယ်နားလည်မလဲ။
ဆင်းရဲတဲ့ ရပ်ကွက်ကို ရောက်မှ
သောကဆိုတာဟာ ဘယ်လောက်
ပူလောင်တယ်ဆိုတာ သိလိမ့်မယ်။
အဲဒီကျမှ ခင်ဗျားစိတ်ကို
မထိန်းနိုင်ဘဲ ထိခိုက်ပြီး ရင်ကွဲနာကျ သေလိမ့်မယ်။ ။
(မောင်ဒီ)
ကဗျာဆရာမောင်ဒီ၏ လေညင်းကလေး အမည်ရှိ ကာရန်မဲ့ မော်ဒန် ကဗျာစာအုပ်များထဲမှ ခံစားမိသော ကဗျာများကို စုစည်းတင်ပြထားပါတယ်။ ဖတ်ရှုခံစား ကြည့်ပါ။ပျံလွှားငှက်
မင်းဟာ ခရီးသွားတဲ့
အခါမှာတော့
ယောက်ယက်ခတ်လို့ပဲ။
နေတော့ အလွန်တည်ငြိမ်ပြီး
တိတ်ဆိတ်တဲ့ ကမ္ဘားစောင်းကြီးများမှာ
အိမ်ကလေးတွေတူးပြီး
နေတယ်။
ငါတို့လည်း မင်းလိုပဲနေဖို့
တည်တည်ငြိမ်ငြိမ်နဲ့
တိတ်တိတ်ဆိတ်ဆိတ် ရှိမယ့်
နေရာကို ရှာနေကြတယ်။
ခုထိ မတွေ့သေးပါဘူး
ကွယ်.....။ ။
ပြင်သစ်နိုင်ငံမှ ကုမ္ပဏီကြီး တစ်ခုဖြစ်သည့် Alstom မှ စတင် မိတ်ဆက်လိုက်သော မြန်နှုန်းမြင့် ရထားသစ် တစ်မျိုး မိတ်ဆက်ပွဲသို့ ပြင်သစ် သမ္မတ ကိုယ်တိုင် တက်ရောက် ချီးမြှင့် ခဲ့လေသည်။ AGV (Automotrice Grande Vitesse) ဟု အမည်တွင်သော အဆိုပါရထားသည် တွဲတိုင်း၏ အောက်ခြေ တစ်နာရီ ၃၆၀ ကီလိုမီတာ (၂၂၄မိုင်) နှုန်း မောင်းနှင်နိုင်သည့် မော်တာများကို တပ်ဆင်ထားသည်။ ထို့အတွက် (သီးသန့်တပ်ဆင်ရသော အင်ဂျင်တပ်) ရထားခေါင်းတွဲများကို လျော့ချလိုက်သဖြင့် ခရီသည်များ ပိုမိုတင်ဆောင်နိုင်မည် ဖြစ်သည်။
RSS Feed (xml)
