အထင်နှင့်စွဲတာ

အလွန်တရာ လျှာရှည်သော ဝတ်လုံ ပေါက်စကလေး တစ်ယောက်သည် သက်သေစစ်မေးရာ၌ ဖျတ်ဖျတ်လတ်လတ် ရှိလှသော်လည်း ရပ်ရမည့် နေရာတွင် မရပ်မိသဖြင့် အမှုပြန်ပတ်မိခြင်းကား ...

ဝတ်လုံ။ (သက်သေလူရိုးအား အခြောက်အလှန့်နှင့် မေးလျှင် သင့်အံဟု တွေးတောလျက်)“ ခင်ဗျားဟာ စူးတတ်တဲ့ ကျမ်းကြီးကိုကိုင် ကိုင်ပြီး သက်သေခံ ရတာနော်၊ သတိထားပြောပါ၊ ဒီ ကျွန်တော့်တရားခံက ခင်ဗျားရဲ့ ခိုကို သေနတ်နဲ့ ပစ်တာ ခင်ဗျားမျက်စိနှင့် မြင်ရသလား ပြောပါ ”

တရားလို။ (အလွန်လန့်သော အမူအရာဖြင့်) “ ကျွန်တော့် မျက်စိနှင့် တတ်အပ်မြင်တယ်လို့ မဆိုလိုပါ။ အထင်နှင့် စွပ်စွဲတာပါ ”

ဝတ်လုံ။ (မေးခွန်း ဤတွင် ရပ်သင့်လျက်မရပ်ဘဲ ဝမ်းသာအားရနှင့်) “ အင်း၊ လိုရင်းတော့ ရောက်လာပြီ၊ ခင်ဗျားအနေနဲ့ ဘယ်အတွက်ကြောင့် တရားခံက ခင်ဗျားခိုတွေကို ပစ်ခတ်တယ်လို့ ထင်ရတာလဲ ”

တရားလို။ “ ထင်ရတာက ပထမအချက်က ကျွန်တော့် ခြံထဲမှာ တရားခံကို သေနတ်ကိုင်လျက် တွေ့ရလို့၊ ဒုတိယ သေနတ်သံကြားရပြီး ခိုတွေ မြေပေါ်ကို လိမ့်ကျလာတာကို တွေ့ရလို့၊ တတိယ ကျွန်တော့် ခိုလေးကောင်ကို တရားခံလွယ်အိတ်ထဲမှာ တွေ့ရလို့၊ ဒီတော့ ဒီခိုလေးကောင်ဟာ သူတို့အလိုအလျောက် သေနတ်ကျည်ဆံရာနဲ့ တရားခံရဲ့လွယ်အိတ်ထဲကို ဝင်မသွားကြပေဘူးလို့ ထင်ပါတယ်၊ ဒါ့ကြောင့် အထင်နှင့်စွဲတာပါ ”

တရားခံဝတ်လုံမှာ ထပ်၍ မမေးဝံ့တော့ဘဲ ထိုင်လိုက်ရလေ၏။